Let's Get Wicked 除咗係現場演唱外, 幾位Villains 嘅演出當中亦見到創作團隊嘗試結合不同元素去豐富呢個演出嘅畫面.
Ursula 配合Projection Effect, Gaston 結合2017年電影版本嘅歌曲同Broadway Musical 嘅舞蹈.
Dr. Facilier 一段以空中吊環嘅橋段演繹出同Dr. Facilier 交易嘅後果, Mother Gothel 一段邀請真觀眾上台, 係真係欣賞緊呢個演出嘅觀眾上台. 兩段都係非常吸引目光嘅概念.
至於Cruella, 老實講, 可能係其餘幾段做得太出色, 就覺得Cruella 呢段被比下去,
又其實呢兩條梯亦唔Cruella de Vil. Cruella 嘅代表物除咗皮草, 仲有支好長嘅煙, 同佢架好型嘅古董車. 可以係推架車出嚟, 又或者直情喺Theater 揸架車出嚟.
原野劇場本身擁有一個複雜而多變化嘅舞台, Let's Get Wicked 除咗拎出大型嘅道具之外, 亦可以善用到原野劇場個舞台. 獅子王慶典演出已有幾架大型嘅花車, 劇場嘅舞台系統同整個設計亦係為獅子王慶典而設, 既然空中吊環可以喺呢個Halloween Show 出現, 咁Cruella 揸住佢架古董車出嚟, 理論上亦係可行. 呢一段個畫面亦會型好多.
以呢個演出所獲得嘅口碑, 下年Halloween 會重演係可以預計到嘅事. 但希望園方亦會令呢個演出變得更加出色.
Search